2019. Kieëskop Jan Lommen.

Op zóndig 27 jannewari kraeg Jan Lommen oet hand ván Provinciaal gedeputeerde Ger Koopmans, de Kieëskop oetgereikt. Joekskepel Noeït Thoes haej dit jaor Jan genuuejd um daes ónderscheïng in óntvangs te naeme. Same mit zien vrouw Sjannie en  kienger en kleinkienger, werd hae ván hoes opgehaold en mit koets en kepel nar de kerk begeleid. Daor werd deilgenaome aan de jaorlikse “Gekkemaondigs Mis”, veurgegaon daor Pater Hafmans. Heejnao werd beej “Boute” de kóffietaffel gehalde, wao idderein zich aan kós begaje. Tigge twieë aor werde Jan en Sjannie nar veure gehaold. Ger heel enne prachtige praek en ma gaod dat hae um aafbraok, anders waor hae nou nag bezig, zóvuuel haet Jan in al die jaor gedaon vur de Veldese gemeinschap. Dit waor ok wal aan de receptie te merke die zoeë gaod bezóg waor, dát `t prachtig verbouwde Wapen van Velden bijnao te klein waor.         Heejnao werd nag effe gezellig naogewazeld en daonao kós idderein mit en gaod geveul zich op gaon make vur de Gekkemaondig.

                 Ógge verslaaggaever ter plaatse: JanArts.